يالا نحرج بعض ونقلل من شأن بعض##تعالوا عشان تتعلموا##

ممكن نركز مع بعض شويه كده
شوفو الموضوع بيحصل ازاى
العضو الغلبان يعمل موضوع ويمكن يكون اول او تانى موضوع ليه
ونفسه يشعر بأهتمام من اعضاء المنتدى اللى هو اختار يكون عضو فيه
وياعينى العضو يتصدم من اولها
اللى يدخل يقوله الموضوع متكرر ولو سمحت خد بالك :icon2800:
واللى يدخل يقوله الموضوع ده او الصور ديه عندى على جهازى
واللى يدخل يقول الموضوع قديم اوى
وللى يقول انا قريته قبل كده بس يالا شكرا (ياعينى بيمن عليه )
واللى يقول ده مسرق
واللى يقول .......
فى اختراعات كتير عشان تحرق دم العضو الغلبان
سوال واحد ليــــــــــــــــــــــه ؟
عندك كلمه حلوه قولها
عندك شكر قوله
معندكش حاجه غيرهم خد بعضك واخرج
ايوه ده احسنلك واكرملك
هتستفيد ايه لما تجرح مشاعر العضو
حتى لو الموضوع متكرر مش من حقك انك تعترض وتقول له
ولو انت مشرف حقك يمكن ولكن فى حاجه اسمها رسائل خاصه
يمكن انا يا جماعه متعصبه وفى كتير هيزعلو منى
ولكن حفاظا على الحب والاحترام والود اللى بين الاعضاء

انا مش بقول طلبى ده امر او فرض على حد
ولكن انا بطلبه لطفا ورجاء انه يتحقق

1- مش من حق العضو انه يقول ان الموضوع ده متكرر فى المكان الفولانى
حتى لو كان العضو نفسه هو اللى متكرر ليه الموضوع
2-شوفت الموضوع ده قبل كده خلاص بلاش ترد فيه لو مش هتقول كلمه كويسه فى حق صاحب الموضوع
3- الصور ديه عندك من زمان خلاص بلاش تحرجه وتقوله الموضوع قديم ومش جديد
(يعنى بالبلدى انت معملتش حاجه جديده )
4-عايز تعترض اعترض من غير ما تجرح فى الشخص نفسه
5-لو انت مشرف ولاقيت الموضوع متكرر ممكن تبعت للعضو رساله خاصه تقول فيهاانا متأسف انى هلغى الموضوع بتاعك لانه متكرر ملوش لزمه تقوله امامالاعضاء
صدقونى ده هيعزز منتدانا اكتر وهيحببنا فى بعض
ومش هتحصل مشاكل ابدا والا هيكون فى اعداء وصراعات نفسيه
وصدقونى بيبان فى الرد بتاعك
بعتذر لانى لا انا فى الاداره والا انا مشرفه عشان اقول كده
ولكن بكررها ده مش امر ولو املك السلطه ديه بردوه مش هيكون امر
ولكن ده ترجى من انسانه